Temas

Localidade da rexión Libertador General Bernardo O’Higgins, Chile. Na vertente occidental da cordilleira dos Andes, ten o xacemento de cobre máis importante do mundo.

Localidade exipcia, situada 100 km ao SO de Alexandría. Foi escenario durante a Segunda Guerra Mundial de dous importantes combates. No primeiro, do 30 de xuño ao 25 de xullo de 1942, o Xeneral británico Auchinleck conseguiu deter o avance cara ao Nilo do Afrikakorps do Xeneral alemán, logo Mariscal, E. Rommel. O segundo e de maior sona, librárono o exército de Rommel e o do Xeneral británico Montgomery entre o 23 de outubro e o 3 de novembro de 1942. A desfeita dos alemáns marcou o comezo da liberación do N de África do dominio das tropas do Eixo.

Localidade do municipio de Moratinos, provincia de Palencia, Castela e León, situada á beira do Camiño Francés de peregrinación a Santiago. No s XII existiu un hospital de peregrinos dedicado principalmente a leprosos.

Localidade do departamento de Pireneos Atlánticos, na rexión de Aquitania, Francia (1.417 h [1999]). Situada á beira do Camiño Francés de peregrinación a Santiago, destaca a igrexa de Notre Dame e a ponte medieval sobre o río Nive. É un dos puntos de partida do Camiño Francés.

Localidade das Ilhas dos Açores, Portugal, porto da costa S da illa Terceira. Ten un castelo do s XVII. Foi capital dos Açores ata 1832.

Localidade do departamento de Loiret, Francia, situada no Val de Orléans, á beira do Loira (16.477 h [1990]). Do seu patrimonio cultural destaca o castelo de Anne de Beaujeu.

Localidade do departamento de Pireneos Atlánticos, na rexión de Aquitania, Francia, situada na desembocadura do río Nive, no SO do golfo de Bizkaia (13.247 h [1999]). É un importante porto pesqueiro e centro turístico.

Localidade de Moravia, onde foi descuberto un xacemento prehistórico do Paleolítico Superior, de cazadores de mamuts, que serviu para identificar unha cultura que se estendeu por boa parte da Europa Central e Oriental durante a glaciación de Würm, derradeira das glaciacións do Cuaternario.

Localidade de Peloponeso, Grecia, situada na costa SO de Messenia, no alto dun promontorio que domina o Mar Xónico. Habitada desde o ano 2000 a C, a finais do s VIII a C foi conquistada polos espartanos. Independente durante o s IV a C, tívose que adherir á Liga Aquea (191 a C) e pasou posteriormente ao dominio de Roma. En época bizantina foi un refuxio de corsarios, que os venecianos destruíron en 1124.

Localidade arqueolóxica de África meridional situada ao S de Zimba­bwe, 24 km ao SL de Fort Victoria. Identificouse como a antiga capital do reino de Monomatapa. Trátase dun conxunto de construcións con bloques de granito que parecen datar dos ss IX-X a parte máis antiga, e dos ss XIV-XV a moderna.