Temas

Nome co que tamén se coñece o Reino de Borgoña, que comprendía os territorios provenzais procedentes da herdanza do último Rei de Borgoña sometidos á soberanía dos emperadores xermánicos a partir do 933.

Imperio musulmán fundado polos mandés entre Níxer e Senegal, que se estendeu entre os ss XIII-XVII. Cara a 1230, Sunjara estableceu as bases da súa organización económica -basicamente dependente da función intermediaria entre os depósitos de ouro de África central e os mercadores árabes e bérberes- e administrativa, asimilou o antigo Reino de Ghana e someteu os estados veciños a vasalaxe. Nos tempos de Gongo Mūsà coas anexións de Songhai (1325), Tombouctou (1336) e Gao, o seu territorio estendeuse e acadou o seu máximo esplendor. A partir do s XV acelerouse a súa decadencia e finalmente desapareceu a finais do s XVII.

Estado xurdido do Imperio Carolinxio polo Tratado de Verdún de 843. Comprendía Saxonia, Turinxia, Franconia, Alemaña, Baviera e as marcas orientais. O seu primeiro rei foi Luís o Xermánico. Desapareceu no s XV.

Reino navarro creado nos ss X e XI concedido polo Rei García II de Pamplona (925-970) á súa morte ao seu fillo Ramiro Garcés (970-991), coñecido como Ramiro de Viguera. Sucedérono os seus fillos Sancho Ramírez (991-?) e García Ramírez (?-1030?), cuxa filla, Toda, casou con Fortún Sánchez de Nájera, quen recibiu o título de príncipe. Ao non ter descendencia, o reino incorporouse ao Reino de Pamplona.

Reino constituído por grupos de fuxitivos que, a raíz da destrución da monarquía visigoda pola invasión musulmá da Península Ibérica, se refuxiaron en Asturias. Un deses aglutinadores dos refuxiados e naturais contra o dominio musulmán foi Paio, probablemente un nobre godo -se ben se ten discutido sobre a súa realidade histórica- quen se refuxiou nas montañas e foi recoñecido como adail ou príncipe (718). Unha expedición musulmá contra el foi derrotada en Covadonga (?722). Paio (morto no 737) puido manter a independencia deste núcleo, que se convertería na cerna do proceso que a historiografía tradicional deu en chamar Reconquista. Paio estableceuse en Cangas de Onís e foi xefe dunha dinastía que, se ben era de carácter electivo, ficou vencellada á súa familia. Afonso I (739-757) consolidou o Reino Ástur e principiou a súa expansión, incorporando Galicia. Silo (774-788) trasladou a corte a Pravia. Afonso II o Casto (791-842) resistiu os exércitos musulmáns; realizou...

Estado creado por Napoleón I Bonaparte en 1807, tras a Paz de Tilsit, a partir dos territorios situados na banda esquerda do Elba e tamén con outros territorios ocupados polos aliados prusianos, como Braunschweig e Corvey. A súa capital era Kassel. O irmán menor de Napoleón, Xerome Bonaparte, foi designado rei do país (Xerome I de Westfalia). Formou parte da Confederación do Rin. Desapareceu en 1813, despois das derrotas de Napoleón.

Antigo reino de Italia, que comprendía toda Italia do sur e Sicilia. Conquistada Nápoles con Roxelio II de Sicilia en 1139, non chegou a ser parte do reino, que pasou ao imperio por medio do seu neto, o Emperador Federico II. O seu fillo Manfredo I de Sicilia usurpou o trono siciliano en 1258, pero foi derrotado por Carlos I de Nápoles en 1266, quen perdeu Sicilia en 1282, conquistada pola Coroa de Aragón, e os anxevinos quedaron reducidos ao Reino de Nápoles. Adquirido por Afonso V de Aragón o Magnánimo tras unha longa guerra (1435-1442), quedou unido baixo o seu goberno. En 1494 Carlos VIII de Francia, herdeiro dos dereitos dos Anjou, preparou a expedición a Italia, que arruinou a dinastía aragonesa de Nápoles e coa que comezaron as Guerras de Italia. Sucedeuno o seu fillo, Afonso II de Nápoles, quen se uniu co papa e con Florencia, pero que abdicou en 1495 en favor do seu fillo Fernando II de Nápoles (1495-1496). Este tivo que fuxir dos franceses en 1495, xa que aquel mesmo...

Entidade política fundada como resultado do segundo pacto entre o Rei Valia e o xeneral romano Constancio (despois Emperador Constancio III), en 418. Abranguía desde Tolosa ata o Atlántico e comprendía as cidades de Tolosa e Bordeos, -capitais alternantes-, Agen, Angulema, Santes, Poitiers e Périgueux, e desde 462 as da Narbonesa ou Septimania. No novo reino de Tolosa establecéronse os visigodos retornados de Hispania, cuxa expansión foi rápida e pasou aos Pireneos ata a Batalla de Vouillé (507), que puxo fin ao reino.

Reino anglosaxón da Heptarquía habitado polos xutos. O Rei Etelberto I (560-616) acadou a hexemonía de toda Inglaterra ao S do Humber (593?), pero a partir do s VII o reino sucumbiu, primeiro á supremacía do Reino de Mercia e posteriormente ao de Wessex.

Posesións italianas constituídas polo Milanesado e o territorio italiano da República de Venecia, que foron cedidas a Austria polo Congreso de Viena (1815). Lombardia uniuse ao Reino de Italia pola Paz de Zúric (1859) e Véneto pola Paz de Praga (1866).