Temas
Diario en castelán de información xeral publicado en Donostia desde 1934 pola Sociedad Vascongada de Publicaciones. Decano da prensa donostiarra, co tempo pasou a formar parte do Grupo Correo de comunicación no que están integrados, entre outros xornais, El Correo Español-El Pueblo Vasco e El Diario Montañés. En 1985 posuía unha tiraxe media de 88.000 exemplares e a finais do ano 2000 superaba os 107.000, cunhas vendas que se achegaban aos 95.000. Dirixido por Gabriel Mújika, distribúe seis suplementos e presenta nove edicións: Alto Deba, Alto Urola, Bajo Deba, Bidasoa, Comarca, Costa Urola, Pasajes Rentería, San Sebastián e Tolosa Goierri. No eido da comunicación dispón de diversos soportes, entre eles, a televisión local Teledonosti, unha emisora ligada á Cadena Cope, dezaseis publicacións gratuítas e un portal en Internet. En setembro de 2001 o Grupo Correo e Prensa Española lograron un acordo para a súa fusión, co que se constituíu un dos máis destacados grupos de...
Diario que apareceu en Ferrol en setembro de 1868. En realidade este xornal era El Brigantino pero na época da revolución de setembro de 1898 cambiou o título para chamarse Boletín de la Revolución. Unha posible cronoloxía desta publicación, segundo algúns investigadores, sería: a primeira etapa con El Brigantino, que saíu en Ferrol en 1866, a segunda co Boletín de la Revolución no ano 1868 e unha terceira etapa a finais do ano 1868 titulándose Boletín Oficial de la Junta Revolucionaria de Ferrol.
Diario francés vespertino, fundado en París en 1923. Desde 1930 Jean Prouvost converteuno no primeiro xornal da capital francesa, grazas ao seu sensacionalismo e ao emprego da fotografía. Instalado en Lyon (1940), a censura de Vichy suprimiuno en 1943. Mentres, en París, os alemáns controlaban un falso Paris-Soir colaboracionista, que desapareceu en 1944. Co tempo converteuse nun medio de comunicación de referencia en Francia que se caracterizan pola análise de temas nacionais e internacionais, tratados nos apartados de deportes, industria, política, negocios, saúde, sociedade e tecnoloxía.
Diario que se publicou dende o ano 1886 na cidade de Lugo.
Diario fundado en París en 1944 por C. Bellanger e É. Amaury, que xurdiu dun grupo que traballara na Resistencia, e que rapidamente chegou a ser o primeiro diario da mañá pola súa tiraxe. A partir de 1974 a súa popularidade declinou, aínda que continuou a ser un dos medios de comunicación de referencia en Francia. Centrado na análise da realidade nacional e internacional, inclúe apartados referidos a política, deportes, sociedade e espectáculos.
Diario editado a partir de setembro de 1885 en Vigo. Cesou a súa edición en 1903. Dirixido por Pascual Ruiz e Anxo Varela, era propiedade deste último. Foi o substituto de El Diario de Vigo. En 1903 pasou a mans de Xaime Solá, quen o converteu en El Noticiero.
Diario liberal editado na Coruña a partir de febreiro de 1821. Cesou a súa edición o 30 de abril de 1821 (nº80). Fundado e dirixido por Antonio Mª Pereira, imprimiuse nos obradoiros tipográficos de Pascual Arza. Nos seus artigos políticos denunciaba, sobre todo, as actuacións irregulares do concello da Coruña, polo que foi levado ante o Xurado de Imprenta, que funcionou por primeira vez para atender este caso.
Diario editado a partir de 20 de setembro de 1895 en Zaragoza polo xornalista e político Luis Montestruc. Subtitulouse “Periódico liberal independiente”. En 1896 pasou a ser propiedade de Antonio Motos e en 1899 posuía imprenta propia. Co tempo constituíuse en sociedade anónima, incrementou o seu carácter rexional e erixiuse en defensor dos intereses aragoneses. En 1923 tirou edicións especiais para Huesca, Navarra e La Rioja. En 2003 era o diario aragonés de maior tiraxe (65.136 exemplares en 2001, OJD).
Diario xaponés fundado no ano 1879. A súa tiraxe é a maior dos xornais do mundo con doce millóns de exemplares diarios. En 1956 adoptou o sistema de composición automática mediante ordenadores.
