Temas

Diario inglés fundado en 1888 en Londres, especializado en información política, económica e financeira. Ademais de analizar as principais economías mundiais e os negocios das grandes compañías, inclúe información sobre os mercados bursátiles máis importantes do mundo, cunha especial atención a Wall Street (Nova York) e Londres. Nos seus diferentes apartados, “Themes & Topics”, “News & Comment” e “Comment & Respond” engade reportaxes e comentarios sobre política internacional, lexislación e empresas, deporte, cultura e comentarios dos propios lectores.

Diario deportivo publicado na Coruña a partir do 19 de decembro de 1995. Forma parte do grupo La Capital S L, editora dos xornais El Ideal Gallego, Diario de Ferrol e Diario de Arousa. Fundado por Editores Deportivos del Norte de España S L, foi dirixido inicialmente por César Casal González. Comezou a súa edición coa cabeceira dxt, que logo foi substituída por Deporte. Presidido por Florencio Aldrey Iglesias, conta cun equipo de dirección formado por Juan R. Díaz García e Juan C. Boga Sánchez. Está dividido nas seccións, “Deportivo”, dirixida por Alberto Torres, “1ª División y F. Gallego”, con Lois Novo á fronte, “Otros Deportes”, con Juan Pedro Barco, e “Suplementos”, coordinado por J. R. Fontela. O seu obxectivo principal é informar e dar a coñecer o deporte galego, e inclúe entrevistas, clasificacións, táboas comparativas e especiais dos distintos deportes que se practican en Galicia acompañados de fotografías. Semanalmente publícase un...

Diario británico fundado en 1903 por Alfred Harmsworth. Concibido nun principio como diario feminista e redactado integramente por mulleres, o seu escaso éxito inicial converteuno nun diario ilustrado de información, o primeiro deste xénero. Posteriormente, mellorou as súas vendas e en 1960 situouse á cabeza das publicacións británicas e do mundo; de feito, en 1968 tiña unha tiraxe de máis de cinco millóns de exemplares. Como xornal de carácter sensacionalista, durante a Segunda Guerra mundial publicou unha serie de viñetas co título de “Jane”, que se converteron no mito sexual de moda da prensa británica. Destacou tamén polos seus artigos de crítica ao sistema capitalista ata finais dos anos setenta. Coa adquisición da maior parte do accionariado por Robert Maxwell, variou a súa liña editorial, aínda que está considerado como un diario independente achegado á esquerda.

Diario en castelán publicado en València entre marzo de 1911 e xullo de 1936. Fundado por Manuel Simó i Marín, funcionou como órgano carlista e como voceiro da Dereita Rexional Valenciana a partir da fundación deste partido en 1930. Na primeira época, a sección de información rexional apareceu redactada en catalán. Durante a Guerra Civil a Fronte Popular encargouse do xornal. Rematou a súa edición cando finalizou a contenda civil.

Diario británico fundado en 1855 por Arthur B. Sleigh co nome de Daily Telegraph and Courier, que aos poucos meses foi adquirido por J. M. Levy. Despois dunha gran crise, en 1928 foi vendido aos irmáns Berry, quen reanimaron económica e editorialmente a publicación. En 1937 absorbeu o Morning Post, fundado en 1772. Órgano das clases medias, vinculouse dende os anos trinta ao partido conservador. En 1968 rexistrou unha tiraxe media de máis dun millón de exemplares. Forma parte da empresa editorial Telegraph Group Limited (TGL), que publica ademais The Sunday Telegraph e The Spectator. Á súa vez, o grupo TGL é propiedade de Hollinger International Inc, unha compañía editora con xornais en EE UU, Reino Unido, Canadá e Israel. Por outra banda, pertence á European Dailies Alliance (EDA), un colectivo xornalístico que integra catro importantes medios de comunicación europeos: Le Figaro, de Francia, ABC, de España, e Die Welt, de...

Diario británico fundado en Londres en 1785 polo impresor John Walter co nome de Daily Universal Register e que tres anos máis tarde adoptou o nome actual. Prosperou baixo a dirección de John Walter, fillo do fundador, e chegou ao máximo desenvolvemento baixo a direccción do xornalista John Delane, na segunda metade do s XIX. Diario independente, de tendencia conservadora, foi un dos máis influentes en Gran Bretaña, precursor na introdución de avances tecnolóxicos e de novas técnicas xornalísticas. En 1981 foi adquirido pola empresa australiana News Ltd, controlada por R. Murdoch.

Diario aparecido na Coruña no ano 1885 e subtitulado “Diario político y literario de la tarde”. O seu director foi Uxío Romo Jara ata 1886.

Diario dirixido por Marcelino Domingo, voceiro do Bloque Republicano Autonomista e do Partido Republicano Catalán, desde que se fundou este en novembro de 1916. Tivo unha vida moi accidentada, ata que deixou de publicarse en 1919. Incluiu artigos de Miguel de Unamuno, Pablo Iglesias e outros escritores socialistas e obreiristas do momento. O diario non fixo caso da censura previa entón establecida e foi editado de forma clandestina.