Temas

Arquipélago de América do Norte, situado ao SL das Bahamas, separado destas polo paso de Caicos e constituído por seis illas e dezaseis illotes de orixe coralina (430 km²; 4.001 h [1980]). As máis importantes son North Caicos, Middle Caicos, East Caicos, South Caicos e West Caicos. Forma parte da colonia británica das illas Turks e Caicos. Ten aeroporto internacional na illa de South Caicos.

Arquipélago e hsien do mar da China Meridional, situado no estreito de Taiwán, entre esta illa e o continente (127 km²; 89.181 h [estim 1999]). Consta de 21 illas. A súa capital é Makung (15.000 h [1995]).

Arquipélago que está situado no Océano Pacífico, no golfo de Panamá. A extensión total é de 600 km², e está formado por 63 illas moi pequenas, 39 máis grandes e 81 illotes. A súa economía baséase na industria perlífera.

Arquipélago coralino de Melanesia, situado ao SL de Nova Guinea, que pertence a Papua Nova Guinea (220 km²; 16.478 h [estim 1987]). As illas principais son as do SL, Tagula, Rossel e Misima, descubertas por Luís Vaez de Torres en 1606. Ten minas de ouro e practícase a pesca.

Arquipélago situado ao L da Terra do Fogo, na Arxentina.

Arquipélago de Canadá situado no Océano Ártico ao N dos estreitos de Lancaster e Melville.

Arquipélago de Rusia, no Océano Ártico, que pertence administrativamente ao oblast de Arkhangel’sk. Os glaciares cobren o 87% da superficie. As illas máis importantes son Terra de Alexandra e illa de Xurxo.

Arquipélago de Tasmania, situado no extremo oriental do esteiro de Bass (2.072 km²). Está formado por tres illas grandes (Flinders, Cape Barren e Clarke) e numerosas illas pequenas. Foi descuberta polo navegante británico T. Furneaux en 1773.

Arquipélago situado no Atlántico Sur, que desde 1938 é dependencia de Saint Helena, colonia de Reino Unido (104 km²; 315 h [1984]). Está formado por catro illas volcánicas (Tristan da Cunha, Gough, Inaccessible e Nightingale) e diversos illotes, e situado no Océano Atlántico, entre América do Sur e África. Foi descuberto por Tristão da Cunha.